Sulisinnaasut
Sulisut aamma suliffissaaleqisut ataatsimoortillugit tassaapput suliffeqarfinni sulisinnaasut. Sulinerit pillugit kisitsisitigut paasissutissat aamma suliffissaaleqisut pillugit kisitsisitigut paasissutissat tunngavigalugit sulisinnaasut pillugit kisitsisitigut paasissutissat suliarineqartarput. Sulinerit pillugit kisitsisitigut paasissutissani kisitsisit aamma suliffissaaleqineq pillugu paasissutissani kisitsisit ataatsimoortinneqartarput. Suliffissaaleqineq pillugu paasissutissani naatsorsuinerit malillugit tassa taamaallaat inuit 18-it 64-illu akornanni ukiullit najugaqavissut sulisinnaasut pillugit kisitsisitigut paasissutissani naatsorsuinermut ilanngunneqartarput.
Sulisut imaluunniit suliffissaaleqisut 18-it inorlugit ukiullit aamma 64-it sinnerlugit, imaluunnit ukiumi nalunaarsuiffiusumi ukioq ilivitsuunngitsoq nunatsinni najugaqarsimasut sulisinnaasut pillugit kisitsisitigut paasissutissanut ilanngunneqanngillat.
Sulinerit suliffissaaleqisullu suliaqarfinni assigiinngitsuni inissisimanerat Titartakkami 6.1-imi takuneqarsinnaavoq. Titartakkami kisitsisit qummoortut tassaapput inuit amerlassusaat 20.000-init aallartittut, qalipaatit nikerarnerisa sulinerit suliffissaaleqisullu ningassutaat ersersinngilaa. Sulisut piffissani aaliangersimasuni sulisut aaliangersimakannertaraluartut nikerarpallaannginnerat titartakkami aamma takuneqarsinnaavoq. Aasaanerani sulisut, sulisinnaasut amerlatsinnerat ilutigalugu amerlisarput. 3. kvartalimi sulisut 500-700-inik 1. kvartalimut sanilliullugit amerlanerulertarput, ukiup ingerlanerani aasaanerani sulisut amerlanerpaasarput.
Titartagaq 6.1. Sulisinnaasut sulisunut suliffissaaleqisunullu immikkoortillugit
Najoqqutaq: Kisitsisaataasivik. http://bank.stat.gl/ARNSTK1
Takussutissiami 6.1-imi innuttaasut najugaqavissut sulisut suliffissaaleqisullu qanoq inissisimanerat takuneqarsinnaavoq. Inuusuttut ilinniartut saniatigut suliffeqanngitsut suliffeqanngitsutut nalunaarsimanerat aamma erninermut tunngatillugu sulinngiffeqarnerit taakkununnga ilanngunneqartarnerat nalunaarsuinermi inuusuttut amerlasuut suliffeqannginnerannik pissutaaqataavoq. Aammattaaq maluginiaqquneqarpoq ukioqqortunerusut amerlasuut sulisinnaasunut ilanngunneqanngitsut. Sulisut 40-t 44-llu akornanni ukiullit amerlanerpaajupput, taamatut ukiullit 83 procentii sulisarput imaluunniit suliffissaaleqisutut nalunaarsimasuupput. 2015-imi nunaqavissut sulisartut 18-init 64-inut ukiullit qaammammut 74 procentii sulisinnaasuupput.
Takussutissiaq 6.1. 2015-imi sulisinnaasut aamma nunaqavissut
|
|
Qaammammut sulisinnaasut agguaqatigiissillugu amerlassusaat |
Qaammammut sulisinnaanngitsut agguaqatigiissillugu amerlassusaat |
Nunaqavissut tamakkerlugit |
|
Katillugit (ukiut 18-64) |
26.844 |
9.400 |
36.244 |
|
Ukiut 18-19 |
685 |
941 |
1.626 |
|
Ukiut 20-24 |
2.605 |
1.570 |
4.175 |
|
Ukiut 25-29 |
3.001 |
1.185 |
4.186 |
|
Ukiut 30-34 |
2.995 |
852 |
3.847 |
|
Ukiut 35-39 |
2.632 |
579 |
3.211 |
|
Ukiut 40-44 |
2.456 |
506 |
2.962 |
|
Ukiut 45-49 |
3.675 |
857 |
4.532 |
|
Ukiut 50-54 |
3.941 |
1.062 |
5.003 |
|
Ukiut 55-59 |
2.990 |
950 |
3.940 |
|
Ukiut 60-64 |
1.863 |
899 |
2.762 |
Najoqqutaq: Kisitsisaataasivik. http://bank.stat.gl/ARNSTK1